Նկարահանում

Նախագիծն իրենից ներկայացնում է կարճամետրաժ ֆիլմի նկարահանում արհեստական բանակության լավ և վատ կողմերի մասին։ Այն՝ անգլերենի ընտրության խմբի «Raising Social Awareness» նախագծի շրջանակում է, ինչպես նաև հանդես է գալիս իբրև ինքնուրույն նախագիծ, կինեմատոգրաֆիայի նոր մոտեցման փորձ։

Նպատակը՝

ԱԲ — ի մասին յուրօրինակ կարծիքի արտահայտում, ԱԲ — ի առաջացրած գլոբալ խնդիրների բարձրաձայնում, ֆիլմի հեղինակային ոճի փնտրում։

Նախագծի հեղինակ՝ Իրինա Ապոյան

Սցենարի հեղինակ, ռեժիսոր՝ Անդրանիկ Փարադյան

Խմբակային նկարահանում

Ֆիլմի նկարահանման մեծ մասին մասնակցում է միայն Անդրանիկ Փարադյանը, չնայած կան 2 տեսարաններ, որոնցում ընդգրկված են այլ սովորողներ։

Խմբակային նկարահանման օրը նշանակված է դեկտեմբերի 9 ին՝ երեքշաբթի օրը՝ ժամը 11։50 — 12։35։ Այդ ժամանակահատվածում ես ունեմ սովորող-սովորեցնող նախագիծ միջին դպրոցի սովորողների հետ, նման գրաֆիկ նշանակվել է որպեսզի հնարավոր լինի երկրորդ տեսարանի համար բավականաչափ ֆոնային դերակատարներ ընդգրկել, միջին դպրոցի սովորողների համար սա կդառնա արտասովոր դասընթաց՝ նրանք մասնակից կլինեն նկարահանման պրոցեսի, ինչը մեր ընտրությամբ գործունեության ծրագրին չի հակասում, նույնիսկ նպաստում է, քանզի նկարահանման գործընթացը անմիջականորեն կապված է Վիզուալ էֆեկտների հետ։

Նկարահանմանը կմասնակցեն նաև Իրինա Ապոյանի 12րդ․ դասարանի անգլերենի խորացված խումբը, և 11րդ դասարանի սովորող Ալբերտ Մանուկյանը՝ երկրոդ պլանի գլխավոր դերում։

Երրորդ դասաժամին նախատեսված է նկարահանել առաջին տեսարանը ՏՏ լաբորատորիայում, Ալբերտի, և միջին դպրոցի սովորողների հետ։ Չորրորդ դասաժամին Մարմարյա սրահում մեզ կմիանան անգլերենի ընտրության խմբի սովորողները, որպեսզի նկարահանենք երկրորդ տեսարանը։ Մարմարյա սրահում նախատեսվում է ստեղծել լոկացիա՝ սրահի կենտրոնում սեղաններ դասավորելով։