- «Ինչպես ենք միմյանց ողջունում»
- «Ինչպես ենք միմյանց հրաժեշտ տալիս»,
- «Ինչպես ենք միմյանց շնորհակալություն հայտնում»
Ինչպես հայտնի և ընդունված է մեր երկրում, հարազատ մարդիկ, և ոչ միայն, միմյանց ողջունելիս, հրաժեշտ տալիս և շնորհակալություն հայտնելիս, գրկախառնվում և համբուրվում են: Մարդիկ միմյանց ողջունելիս և հրաժեշտ տալիս նաև ձեռք են սեղմում: Այդ բոլոր սովորությունները մեզ են փոխանցվել եվրոպական երկրներից, այնինչ մենք՝ հայերս, հնում ունեցել ենք միմյանց հետ հաղորդակցման այլ մշակույթ: Տղամարդիկ գլուխ են խոնարհել և աջը դրել են կրծքին՝ դրանով արտահայտելով իրենց հարգանքը դիմացինի նկատմամբ: Այդպես է եղել մյուս հին մշակույթ ունեցող շատ երկրներում, հատկապես արևելյան: 
Գլուխ խոնարհելու երևույթը ստիպում է, անկախ ամեն ինչից, հարգանք ցուցաբերել, ինչը նպաստում է հաղորդակցվողների դրական տրամադրվածության միմյանց հանդեպ: Այդպիսի մոտեցումը ճիշտ է նաև հիգիենայի տեսակետից, քանի որ շատ վիրուսներ փոխանցվում են միայն ֆիզիկական կոնտակտի դեպքում: Այստեղից հետևում է, որ մեր օրերում ևս պետք է ձգտել խուսափել ձեռք սեղմելուց, համբուրվելուց և գրկախառնվելուց, քանի որ, ցավոք սրտի, հիմա վիրուսները մեծ տարածում ունեն, հատկապես այնպիսի վտանգավոր վիրուսները, ինչպիսին է կորոնավիրուսը:
Անդրանիկ Փարադյանի բլոգ 
Оставьте комментарий