17.01.2020-ին մենք մեր դպրոցական ջոկատով գնացինք ճամփորդության: Սկզբում մենք այցելեցինք Գիտության և Տեխնիկայի թանգարան:
Այնտեղ մենք տեսանք հին սառնարան, որը մինչև օրս աշխատում է:
Թանգարանում ցուցադրված բոլոր նմուշները ստեղծված էին Սովետական Հայաստանում, կամ հայ գիտնականների մտքի արդյունք էին:
Իմաիցանք, որ Հայաստանում սառնարանների արտադրությունը սկսվել էր Երկրորդ համաշխարհային պատերազմից հետո: Հայաստանում շատ գործարաններ նախկինում ռազմատեխնիկա արտադրող գործարաններ էին եղել: Իմացանք, որ ժամանակին գիտնականները պլանավորում էին էլեկտրոմոբիլներ ստեղծել մեր «Երազ» ավտոմեքենայի համան վրա:
Թանգարանում ցուցադրված էին երեք սերնդի համակարգիչների լուսանկարներ և դետալներ:
Առաջին սերնդի համակարգիչը, դա հսկա պահարանի պես մի բան էր, որը պարունակում էր հազարավոր լամպեր: Աշխատանքի ընթացքում աշխատողը իր կողքին ունենում էր լամպերի մի ամբողջ տուփ և պատրաստ էր ամեն պահի փոխել փչացած լամպերը: Այդ լամպերը բավականին հաճախ էին փչանում: Առաջին համակարգիչների գլխավոր դերն էր հաշվարկներ անելը:
Թանգարանում տեսանք Արագածի վրա մինչև օրս մնացած, բայց հիմա չգործող, հսկա ալեհավաքի մանրակերտ: Նաև ցուցադրված էին Հայաստանում արտադրված շատ սարքեր:
Ափսոս, որ հասցրեցինք դիտել միայն ցուցադրության մի մասը, քանի որ մոտենում էր ֆիլմ դիտելու ժամանակը, և մենք շտապեցինք կինոթատրոն:
Եվ այպես օրը հետաքրքիր և հագեցած անցավ:
Անդրանիկ Փարադյան 